PANOORIN: Kakampi ng small fishers si Marcos? ‘Di nga?

Ano kayang polisiya’t panukala patungkol sa sektor ng pangisdaan ang maririnig mula sa Pangulo sa kaniyang ikaapat na SONA?

MANILA, Philippines – Illegal, unreported, and unregulated (IUU) fishing ang isa sa pinakamalaking isyu pagdating sa sektor ng pangisdaan.

Praktis ng iba’t-ibang bansa ang i-track ang mga fishing vessels para ibsan ang problemang ito. Sa paglaganap ng IUU, hindi lamang mga palangisdaan ang nanganganib kundi ang hanapbuhay ng mahigit isang milyong maliliit na mangingisda sa Pilipinas.

Sa ilalim ng administrasyon ni Pangulong Ferdinand Marcos Jr., pinayagan ng mga korte ang isang komersyal na fishing operator sa loob ng municipal waters. Ang may-ari nito ay asawa ni Commission on Audit Chairperson Gamaliel Cordoba, na noong telecommunications chief ay sinuspinde ang issuance ng transceivers na ginagamit sa paglutas ng IUU fishing.

Ano kayang polisiya’t direktiba patungkol sa sektor ng pangisdaan ang maririnig mula sa Pangulo sa kaniyang ikaapat na SONA (State of the Nation Address)? Iyan ang tanong nina Lian Buan at Iya Gozum. – Rappler.com