[EDITORIAL] Anti-dynasty bill ni Dy-Marcos: Read the fine print

This is AI generated summarization, which may have errors. For context, always refer to the full article.

Parang magandang panaginip — sa wakas, may nagpanukala ng anti-dynasty bill, at hindi kung sino lang — mismong ang House Speaker at anak ng Presidente at Majority Floor Leader.

Pero gumising muna tayo sa katotohanan: tingin ba ng dalawa, boboto ang Kongresong ito laban sa sarili nitong interest?

Kahit na sa porma nitong tila nakatuon sa fat dynasties at iiwan ang thin dynasties untouched — talaga bang palulusutin ito ng vested interests ng isang Kongresong malaking tipak ay politicontractors at fat dynasties?

Kahit na sa kasalukuyang malabnaw na porma nito, magkakandado ito ng maraming pinto ng oportunidad (at kuwarta) para sa mga miyembro ng mga dynasty na nagpapayaman sa ninakaw mula sa kaban ng bayan. 

Pero tulad nga ng pagsusuri ni Rappler reporter Dwight de Leon — hindi apektado si Dy o si Marcos ng panukala sa kasalukuyang porma nito. (BASAHIN: Anti-dynasty bill from Bojie Dy, Sandro Marcos is weak, but a start)

Ngayon pa lang, kumibo na ang ilang miyembro ng dynasties na mulat tulad ng mag-asawang Hataman. Sabi nila sana’y maipasa ang “best version” ng panukalang magbibigay puwang sa bagong dugo imbes na protektahan ang umiiral na power structures.

Pero bumalik tayo sa lupa: numbers game ang Kongreso — at kung may mga Hataman, mas marami ang mga gahamang dynasts. Hindi pa naka-factor in ang Senadong mistulang siblings act.

Some say we’re too scarred by the politicontractors in flood control projects for propaganda and mind games like this. Suspetsa ng mga kritiko, smoke and mirrors lang lahat ito mula sa ningas-kugon Presidential team na magaling mag-jumpstart pero walang kuwenta pagdating sa finish line.

Pero thankfully, hindi lang naman ang Marcoses at mga Dy ang mapagpasya. Sana, mapiga ng civil society ang yugto na ito upang maipaliwanag ang isyu sa taumbayan — at nag-iisang tinig na itulak ang isang makabuluhang anti-dynasty bill. Kung hindi ngayon, sa malapit na hinaharap.

In its present form, the Dy-Marcos bill wants to trim fat dynasties but will not affect thin dynasties. Ipauubaya namin sa mga eksperto at stakeholders kung may strategically sound compromise ba sa pagsuporta sa watered-down bill.

Sabi nga ng proponent ng isang anti-dynasty bill na si Mikee Defensor — ang self-confessed na “suwail” na anak ni Mike Defensor — “government is a sinking ship.” 

Sabi nga ni Mikee, don’t ignore the numbers. Hindi uubra ang palusot na may matino namang dynast politician. Sabi ng istatistika, mas malala ang kahirapan or poverty incidence sa mga lugar na ilang dekadang pinamunuan ng mga fat dynasty. Mabibilang sa sampung daliri ang mga Vico Sotto of this world, pero sangkatutak ang mga bugok, sakim, at incompetent — not to mention some are not even of sound mind.

Ang malinaw: isa itong token at tactical move ni Marcos upang makarating sa 2028 nang hindi nade-dethrone.

It makes sense, mabaho ang kanal na hindi umaagos. 

HIndi man maipasa ang hallucination bill, sana maging mitsa ito sa makabuluhang diskusyon — at sana’y magising ang taumbayan sa mga bulok at sakim na dinastiya sa kanilang pamayanan. – Rappler.com